Sýningin fjallaði um ævi og verk Gerðar Helgadóttur og var sett upp í tilefni þess að 90 ár voru liðin frá fæðingu hennar.
Fimm þemu tengdu saman tímabil og ólíkar hliðar verka hennar: Grunnur, Vinnustofa, Gluggi, Garður og Rými. Þau spönnuðu námsárin, járnskúlptúra, steinda glugga, verk í gifs og steinsteypu og verk í almannarými.
Sýningin byggði á safneign Gerðarsafns, um 1.400 verkum sem erfingjar Gerðar gáfu Kópavogsbæ árið 1977.