Hugarró er lítill zen-garður sem færir Ásmundarsafn heim til fólks. Hann sækir innblástur í þá hugsjón Ásmundar Sveinssonar að listin eigi að vera hluti af daglegu lífi.
Í garðinum verður safnhúsið að litlu líkani sem býður upp á leik með form og rými. Hugarró veitir færi á að staldra við og finna ró frá áreiti hversdagsins.
Ásmundur Sveinsson (1893–1982) var einn af frumkvöðlum íslenskrar höggmyndalistar. Verk hans endurspegla íslenska sagnahefð, samfélag og náttúru. Mörg þeirra standa í almannarými og eru kunnugleg kennileiti í borginni.